PENEIRAS

A utilidade do galego

2007-09-17T10:51:00.000-07:00

1. Contoume unha amiga que só fala galego, castelán e inglés que foi por unha entrevista por cuestións de traballo a unha empresa en París. Chegaba pensando que o interlocutor falaría algo de inglés, pero ia no avión tremando de medo. As pernas xa non a sostiñan cando ia subindo os chanzos da escaleira. Sentouse no despacho, e efectivamente, o interlocutor non falaba nen "papa" de castelán nen de inglés. Pero díxolle que os seus pais eran portugueses, e toda a conversa discurriu de xeito fluido en galego-portugués.

2. Nun Congreso o ano pasado en Sevilla tocoume á beira dunha rapaza de Bulgaria. Para entenderme con ela pregunteille se falaba algo de español ou de inglés. Nada de nada. Para a miña sorpresa, díxome que sí sabía portugués. Mantivemos unha animada conversa que rematou de madrugada.

3. Este verán fun a Irlanda. En Dublín, no Temple Bar atopeime cun feixe de rapaces ingleses que facían unha despedida de solteiro. Non é por presumir, pero o máis guapo veu xunto de mín. Invitoume a unha pinta. Tiñamos dificultades para entendernos no meu inglés chapuceiro, pero vin o ceo aberto, cando me dixo que era fillo de portugueses da illa de Madeira. Lembrome de toda a noite, como me acordo do primeiro bico ao comezo do amor, ...

2 minutos para a peaxe

2007-08-21T11:26:00.000-07:00

Vin en youtube que en Arxentina existe unha normativa segundo a cal, un coche que esté máis de dous minutos na cola da peaxe dunha autopista pode pasar sen pagar. O automobilista tamén ten dereito a esixir que lle levanten a barreira e non aboar a "portagem" se a cola de turismos para pagar supera os 15 vehículos. ¿que vos parece esixir en Galicia unha cousa similar? ¿Non sería interesante demandar que a Xunta de Galicia lle ordene a Audasa a aplicar a mesma normativa?

Machismo na SER

2007-06-24T09:30:00.000-07:00

Reproducción aproximada do comentario escoitado no programa SER curiosos, na noite do 22 ao 23 de xuño do 2007:

Alberto : Antes da chegada do cristianismo, a sociedade era fundamentalmente matriarcal, eran as mulleres as que mandaban.
Locutor 1: Xa temos aquí a Ainhoa toda finchada.
Alberto: Estará finchada de ombreiros, porque para fincharse de peito ten que ir a Corporación Dermoestética.
Locutor 1: Vaia faltada!
Ainhoa: Si, aquí me di iso, pero logo saimos do estudio e me tira os trastos.
Alberto: Só o fixen unha vez, e estaba borracho.

Todos: Ha, ha, ha,

Logo cambian de tema e ao remate do programa:

Ainhoa: Eu de todo o programa, quédome con que eran as mulleres as que mandaban.

Locutor 1: Crein que te ias quedar con que só cho pediron unha vez e borracho.

Sen comentarios.

A arte de Galicia en Venecia

2007-06-10T03:26:00.000-07:00

O profe da Universidade de Vigo (Campus de Pontevedra) Alberto Ruiz de Samaniego exerce como comisario do pavillón español na Bienal de Venecia. A mostra abreuse ao público esta mañá. En www.radiofusion.eu ofrecen un interesante artigo sobre a exposición.

Apertas de balde na Coruña

2007-01-16T08:33:00.000-08:00

As apertas gratis chegan a Galicia. No pasado mes de decembro realizouse a través dos blogs unha convocatoria mundial daqueles que estiveran dispostos a repartir abrazos aos transeuntes. Agora a convocatoria realízase tamén para a cidade da Coruña.
O día 27 de xaneiro ás 19h no Obelisco reunirémonos tod*s, e a partir de ahí decidiremos probablemente repartirnos en pequenos grupos por diferentes zonas cercanas. Acudide preferiblemente cun cartel (con ou sen mango) que diga “Apertas Gratis”, “Abrazos Gratis” ou lema similar que desexedes, a falta diso pódese apañar un folio ou unha cartulina. Escoitei a nova en Radiofusion e logo lin a convocatoria en www.orecuncho.com. Tamén hai máis información en abrazosgratis.org

Gustoume a novela de "Pepa a loba"

2007-01-12T03:57:00.000-08:00

Lin a novela de Pepa a Loba, elaborada por Carlos G.Reigosa. Gustoume. E de lectura doada e ofrece un bo reflexo da Galicia do século XIX, do seu mundo rural, dos seus fidalgos, cregos e bandoleiros. Ademais achega con bastante fidelidade as peripecias desta bandoleira que se ten convertido nun mito popular. Vexo despois unha crítica tamén positiva na paxina web do historiador Jose Antonio Durán (www.tallerediciones.com) Durán somentes censura o pouco coidado no emprego da lingua, e a abundancia de castelanismos.

Eu pedín un Volvo, un Volvo !!!!

2006-12-26T09:28:00.000-08:00

Os SMSs e Internet xubilan cada ano máis ás tradicionais postais de Nadal. A pasada noiteboa numerosas mensaxes de texto se enviaron a través dos móbiles. A avalancha repetiráse o vindeiro domingo, coincidindo co remate do ano. Recollemos de seguido algunhas desas mensaxes, cheas de ironia, de humor ou de tenrura.

Aviso a toda a poboación: O simulacro de paz e amor comezou. Saquen os lagostinos, abracen aos cuñados e reunanse a brindar.

Cando a noite de Reis, se meta Melchor espido na túa cama, repítelle.
Que pedín un Volvo, un volvo !!!

Perdoa que che mande esta mensaxe tan cedo. E que teño tantos amigos ricos e guapos, que empezo polos pobres e feos. Bó nadal.

Un grego gababa a habilidade dos que saben ferir a quen nos fire. Hai un arte maior, a de querer a quen nos quere. Felices festas.

Unha visita aos Ancares

2006-12-19T10:52:00.000-08:00

Unha fermosa visita literaria e musical veñen de recomendar en RADIOFUSION, a programación conxunta das Emisoras Municipais Galegas. No programa O VIRAVENTOS unha rapaza -creo que se chamaba Lucia- propon unha visita á serra dos Ancares, acompañados por un fermoso tema de Luar na Lubre, coa voz de Rosa Cedrón. Comentou ademais interesantes lendas que falan da presencia nesta zona da Montaña luguesa de Lope de Vega e Gustavo Adolfo Becquer.

Flanagan e Carlota

2006-06-21T01:16:00.000-07:00

Caeu nas miñas mans o Diario vermello de Flanagan. Prestoume moito e lino practicamente dun tirón. Un adolescente relata as súas preocupacións e relacións sexuais. A través dunha trama ben redactada, vanse aportando datos de interese en torno a todo o que rodea ao sexo. Logo atraida polo detective Flanagan, busquei o Diario Vermello de Carlota, que estou a ler nestes momentos. E o relato das mesmas experiencias, pero dende a perspectiva feminina. Paréceme moi interesante a iniciativa de abordar uns feitos dende a óptica do home e da muller. O de Carlota elaborouna Genma Lienas e o de Flanagan Andreu Martin e Jaume Riberas. Recomendoos encarecidamente. Por certo, a traduccion ao galego da Editorial Galaxia, simplemente discreta.

Contra Yolanda Castaño

2006-06-18T00:31:00.000-07:00

Vexo arrepiada como no blog de Concheiro (concheiro.blogspot.com) anunciase a criación dun club de fans de Yolanda Castaño. A mín paréceme a tia máis ególatra e creida do panorama televisivo actual. Cada dia co seu ridículo modelito, cada xornada co seu estrambótico peiteado, ... puaghh
De facer algún club de fans, eu apuntariame ao de Paco Lodeiro. El sí que rezuma simpatía e bo facer televisivo, ...

A marca de chiculate "Don blandito"

2006-05-09T00:37:00.000-07:00

Unha rapaza trouxo hoxe a clase unha tableta de chiculate da marca "Don Blandito" publicitada baixo o lema "O máis tenro". ¿En qué estarán pensando os publicistas?. Poderíase responder o que dicía Delgado Gurriarán, exiliado en México: "Mira que manda carallo, onde viñemos a dar, a tres mil quinientos metros, sobre do nivel do mar". Ou o que vin nun epitafio dun cemiterio galego: "Eiqui o tio Xan repousa, e xamais fixo outra cousa".
Ou como di a miña colega Paula:
"Os homes prometen,
ata que cha meten,
e despois de metido,
esquecen o prometido".

A publicidade no cine

2006-04-20T01:01:00.000-07:00

Fun ao cine ver "Bienvenido a casa". Pareceume unha película normaliña, unha comedia de actualidade bastante intrascendente. O mellor os comentarios esporádicos de Juan Echanove, nun papel de cego, e Alejo Sauras, que está como un "queixo de Arzúa". O pior son as persoaxes, demasiado planas, demasiado típicas e demasiado previsibeis. Saín indignada do cine, porque a proxección anunciábase para as 17 horas. Estiven alí puntual, e castigan a todos os espectadores e espectadoras con 8 minutos de publicidade comercial. ¿A quén lle pediron permiso para botarnos esa publicidade nun horario no que estaba anunciada a proxección dunha película pola que abonamos unha cuantiosa entrada en taquilla? ¿Non poderían botala ao remate da película, para que quedara a vela quen quixera? ¿Non é posible proxectala antes do horario anunciado para o inicio da longametraxe?

O acústico de Zeca Pagodinho

2006-04-15T01:08:00.000-07:00

Merquei na FNAC de Porto o disco Acústico de Zeca Pagodinho. Gústame especialmenteo tema VERDADE que comeza dicindo:

"Descobrí que te amo demais,
Descobrí con voçé minha paz,
Descobrí, sem querer a vida,
Verdade
Pra ganhar teu amor fiz mandinga,
(...)

"El polvo es cosa de dos"

2006-04-10T10:50:00.000-07:00

Disque o alcalde de Lugo ven de sacar unha campaña baixo o lema "El polvo es cosa de dos". Os artífices da iniciativa, presumen de que o slogan ten un duplo significado, facendo referencia á necesidade de compartir as tarefas do fogar, e tamén á obrigatoriedade de afrontar conxuntamente as necesidades sexuais. Mágoa de que non se utilizase o noso idioma para esta campaña, xa que dese xeito poderíase atopar un terceiro significado para a frase emblemática. "O polvo é cousa de dous" poderíase referir tamén á promoción do consumo do cefalópodo. ¿Pero non era obriga das autoridades promocionar o uso da lingua galega? ¿Non deberíamos esixir que os mandatarios empregasen neste tipo de campañas o noso idioma? ¿Pero non era Orozco do sector galeguista do PSOE?

Visita ao Museo Miró en Barcelona

2006-03-09T03:30:00.000-08:00

Estiven tan ocupada cos exames, que deixei un chisco abandonada a bitácora, pero agora con folgos renovados, bótolle outro grolo. A pasada fin de semana fun a Barcelona visitar ao meu irmán. Visitei o Museo Miró en Montjuich e quedei alucinada. O edificio presenta un deseño arquitectónico sorprendente e a pintura de Joan Miró move á reflexión, suxire sensacións, provoca ao espectador. O pior foi a molleira que papei para chegar dende o funicular ata o museo. Pero valeu a pena.

¿DE QUEN SON ESTES VERSOS?

2006-02-14T11:19:00.000-08:00

Mucho a las penas no atiendo
y en todo imito al conejo
que vive alegre y "cogiendo"
hasta morirse de viejo.

La señora de Pérez y sus hijas
comunican al público y al clero
que han abierto un taller de chupar pijas
en la calle santiago del estero.

A los condes de Carrión, que se jodieron mis hijas
que les cercenen las pijas y las tiren a un rincon.
Perdón, mi señor, perdón.
No hay perdón, rincón y pijas.

Yo quiero ser canchinflero para tener una mina
metersela con benzina y hacerle un hijo aviador
para que bata el recórd de la aviación argentina.

RICHARD BURTON, CONSUL EN GUINEA ESPAÑOLA

2006-02-09T08:45:00.000-08:00

Chámase así un interesante libro de Arturo Arnalte que veño de ler. Nel analisa nun tono crítico o pensamento do diplomático inglés que no ano 1860 chega a Fernando Poo. Burton elabora unha teoria sobre a inferioridade dos negros, e a superioridade "das duas grandes razas: a árabe e a aria". Inclue perlas como:
"O cerebro do negro é feble. No negro as rexións morais e sentimentais permanecen caseque sen desenvolver"
"O negro na súa maioria é servil nato"
"Como norma, o negro desprecia a agricultura"
"Os trópicos xeneran moi poucas necesidades, o exercicio é máis doloroso que agradable, e polo tanto hai pouco traballo".

En calquera caso, as súas teorias alucinantes, explican fenómenos posteriores como o nazismo, e incluso a incomprensión entre a civilización occidental e o mundo islámico.

FERMOSO LIBRO DE FERRIN

2006-01-07T01:39:00.000-08:00

Góstame o último libro de Méndez Ferrín "Contra Maquieiro". Incluense poemas coma éste:

"Razón oh dona branca luces dáme contra a idiocia
Razón déixame decer estas palabras
permíteme cantar e ser eléctrico
non me poñas a testa contra a muralla e esa mata
de azucenas."

MAIS VERSOS E RIPIOS

2005-12-05T11:15:00.000-08:00

De quen son estes versos?

Dice el sabio Salomón
que el que engaña a una casada
no tiene perdón de Dios
si la dejara preñada.

Dice el sabio Salomón
que el que besa a una mujer,
no tiene perdón de Dios
si no la besa otra vez.

POEMAS E VERSOS

2005-12-01T08:26:00.000-08:00

A presentadora dos informativos da televisión francesa pregúntase de quen son os seguintes versos:

Mete máis, mete mais ia dizendo,
a marafona ao bruto que suava,
e convulso facia estrondo horrendo
pelo rústico son con que fungava
Mete mais, mete mais que estou morrendo,
"Mim nao tem mais" o negro lle tornava
e triste exclama a bébeda fodida:
Nao ha gosto perfeito nesta vida.
(...)

O bispo de tarazona que se rasque a cona.
O primado de Toledo que me chupe un huevo.
(..)

Si Aristóteles hubiera cocinado,
habria escrito mucho más.
(sor Juana Inés de la cruz)

VICTIMAS DA VIOLENCIA

2005-11-23T11:27:00.000-08:00

E preciso felicitar á Xunta de Galicia polas medidas adoptadas a favor das mulleres víctima de violencia no fogar. A mín daránme a primeira labazada, pero a segunda non, porque lle solto un moquete nos morros a quen se atreva. Pero non todas as mulleres teñen a mesma decisión. Eu coñecia a unha rapaza da miña clase, que dicia que estaba tan namorada que ata lle aturaba ao mozo que de cando en vez lle dera algún viaxe. Esperemos que iso remate.

PASO DE REGATA

2005-11-11T08:40:00.000-08:00

Paso de regata. Vigo toleou co carallo da regatiña. Todo o mundo ao porto. Nas radios e nas televisións non falan doutra cousa. Eu estou farta de tanta reviravolta cun "deporte de pijos". Que lle cunda á regata !!! Como xeito de protesta, eu vou ir a unha conferencia que da pola tarde un productor de cacao boliviano sobre os problemas que teñen en Bolivia para producir cacao e comercialo a prezos que lle den para vivir.

UN GRAN DISCO DE LNL

2005-11-08T07:36:00.000-08:00

Luar na Lubre ven de sacar un novo e gran traballo. Chámase "Saudade" e nel reinterpretan algúns temas tradicionais da música galega, barnizandoos coa fermosa voz de Sara Vidal. Os ritmos que enguedellaron a MIke Olfield volven soar con forza. Augúrolles un novo éxito a LNL,a pesar de que certos ambientes tildan a súa música como de "moi comercial". Que fermosa a voz da brasileira Cida Airam no tema "Teu nome, Amarante".

A VOLTAS COA ANOREXIA

2005-11-02T09:22:00.000-08:00

A nai de Rocío cómelle o tarro todos os dias polo demo da anorexia. Que si hai que comer, que vai quedar nos ósos, que é un problema de saúde. Pero ela está obsesionada coas tallas, coa súa figura e coas "pistoleras". Eu dígolle que vai rematar mal, pero ...

SERGIO DALMA CANTANDO "O TREN"

2005-10-26T10:26:00.000-07:00

Escoitei onte unha entrevista que lle fixeron na radio a Sergio Dalma, e logo puxeron a canción O TREN interpretada por él. E unha versión da tradicional cantiga de Andrés Dobarro. Ao comezo ten uns arranxos un pouco estrambóticos, pero logo eu penso que convence. A liña á a do Dalma de "Bailar pegados" pero a mín gustoume.

DE PASEO POR SAMIL

2005-10-26T09:24:00.000-07:00

Toda a tarde paseando por Samil. Dandolle voltas ao que me dixo Rocio. Ela quere que vaia este sábado a unha festa que organiza na súa casa. Aproveita que os pais se van todo o fin de semana ao balneario de Lobios e quere montar un festón. Dame un pouco de respeto porque vai ir Javi, que se portou conmigo como un auténtico porco. E os seus amigos tampouco me molan nada. Pero dame corte deixar colgada a Ro. En fin, non sei ainda que farei. Mañá en clase direille a ela que non me apetece nada, a ver como reacciona.